Ирэх баасан гарагт төсвийн тодотголын төслийг ЗГ хэлэлцэнэ

Өнөөдөр Засгийн газрын ээлжит хуралдаан болсон. Хуралдаанаар хэлэлцсэн асуудлын талаар мэдээлэл хийхгүй. Ирэх баасан гарагт Засгийн газар ээлжит бусаар хуралдаж, төсвийн тодотголын төслийг хэлэлцэхээр болжээ.

Өнөөдрийн хуралдаанаар:

• Төрийн өмчит банкийг олон нийтэд нээлттэй хувьцаат компанийн хэлбэрт шилжүүлэх үндсэн чиглэл батлах тухай,
• Хилийн шугам дахь чингэлэг шилжүүлэн ачих талбайг өргөтгөх тухай,
• Монгол Улсын Хөгжлийн Банкны чанаргүй зээлийн авлагыг төлүүлэх талаар авч хэрэгжүүлж байгаа арга хэмжээний явц, цаашид авах арга хэмжээ,
• Хилийн Гашуунсухайт, Шивээхүрэн боомтын үйл ажиллагааг эрчимжүүлэхэд зайлшгүй шаардлагатай арга хэмжээг авч хэрэгжүүлэх үүрэг бүхий Ажлын хэсгийн явц зэрэг 30 гаруй асуудал хэлэлцсэн байна.